១១. បច្ឆាជាតបច្ចយនិទ្ទេសវណ្ណនា

១១. និរវសេសទស្សិតបុរេជាតទស្សនវសេនាតិ ‘‘ចតុសមុដ្ឋានិកតិសមុដ្ឋានិករូបកាយស្សា’’តិ ឯវំ និរវសេសតោ ទស្សិតស្ស បុរេជាតស្ស បច្ចយុប្បន្នស្ស ទស្សនវសេន. បច្ចយា ហិ ឥធ កាមាវចររូបាវចរវិបាកា, តេសុ កាមាវចរវិបាកោ ច ចតុសមុដ្ឋានិករូបកាយស្ស បច្ចយោ, ន ឥតរោ. តេនេវាហ ‘‘រូបាវចរវិបាកោ បន អាហារសមុដ្ឋានស្ស ន ហោតី’’តិ, តស្មា ‘‘តស្សេវា’’តិ វុត្តេបិ យថារហមត្ថោ វេទិតព្ពោ.

បច្ឆាជាតបច្ចយនិទ្ទេសវណ្ណនា និដ្ឋិតា.