៦. ឥតោទិន្នកថាវណ្ណនា

៤៨៨-៤៩១. តេនេវ ចីវរាទិទានេនាតិ អនុមោទនំ វិនា ទាយកេន បវត្តិតចីវរាទិទានេន. តេនាហ ‘‘សយំកតេន កម្មុនា វិនាបី’’តិ. ឥមិនា ការណេនាតិ អនុមោទិតត្តាវ តេសំ តត្ថ ភោគា ឧប្បជ្ជន្តីតិ ឯតេន ការណេន. យទិ យន្តិអាទិ បរវាទិនោ លទ្ធិបតិដ្ឋាបនាការទស្សនំ. តត្ថ យទិ ន យាបេយ្យុំ, កថំ អនុមោទេយ្យុំ, ចិត្តំ បសាទេយ្យុំ , បីតិំ ឧប្បាទេយ្យុំ, សោមនស្សំ បដិលភេយ្យុន្តិ ឯកច្ចេ អញ្ញេ បេតេ អនុមោទនាទីនិ កត្វា យាបេន្តេ ទិស្វា អនុមោទនាទីនិ ករោន្តិ, តស្មា តេ ឥតោ ទិន្នេន យាបេន្តីតិ អធិប្បាយោ.

ឥតោទិន្នកថាវណ្ណនា និដ្ឋិតា.