៩. អនុបុព្ពាភិសមយកថាវណ្ណនា

៣៣៩. ‘‘តានិ វា ចត្តារិបិ ញាណានិ ឯកោ សោតាបត្តិមគ្គោយេវាតិ បដិជានាតី’’តិ ឥមំ សន្ធាយាហ ‘‘អថ វា’’តិអាទិ. ចតុន្នំ ញាណានន្តិ ទុក្ខេញាណាទីនំ ចតុន្នំ ញាណានំ. ឯកមគ្គភាវតោតិ សោតាបត្តិអាទិឯកមគ្គភាវតោ. កមេន បវត្តមានានិបិ ហិ តានិ ញាណានិ តំតំមគ្គកិច្ចស្ស សាធនតោ ឯកោយេវ មគ្គោ ហោតីតិ អធិប្បាយោ. តេនាហ ‘‘ឯកមគ្គស្ស…បេ… បដិជានាតី’’តិ.

៣៤៤. ទស្សនេតិ មគ្គទស្សនេ.

៣៤៥. ធម្មត្ថានំ ហេតុផលភាវតោ ធម្មត្ថបដិសម្ភិទានំ សិយា សោតាបត្តិផលហេតុតា, តទភាវតោ ន ឥតរបដិសម្ភិទានន្តិ អាហ ‘‘និរុត្តិ…បេ… វិចារេតព្ព’’ន្តិ. សព្ពាសម្បិ បន បដិសម្ភិទានំ បឋមផលសច្ឆិកិរិយាហេតុតា វិចារេតព្ពា មគ្គាធិគមេនេវ លទ្ធព្ពត្តា ផលានំ វិយ, តស្មា ‘‘អដ្ឋហិ ញាណេហី’’តិ ឯត្ថ និក្ខេបកណ្ឌេ អាគតនយេន ទុក្ខាទិញាណានំ បុព្ពន្តាទិញាណានញ្ច វសេន ‘‘អដ្ឋហិ ញាណេហី’’តិ យុត្តំ វិយ ទិស្សតិ.

អនុបុព្ពាភិសមយកថាវណ្ណនា និដ្ឋិតា.