១. បរូបហារវណ្ណនា

៣០៧. វិក្ខម្ភិតរាគាវ អវិក្ខម្ភិតរាគានំ អធិមានិកតាយ អសម្ភវតោតិ យាវ អធិមានិកំ, តាវ សម្បជានា និទ្ទំ ឱក្កមន្តីតិ អធិប្បាយោ. ‘‘អធិមានិកាន’’ន្តិ ឥទំ ភូតបុព្ពគតិយា វុត្តន្តិ អាហ ‘‘អធិមានិកបុព្ពា អធិប្បេតា សិយុ’’ន្តិ.

៣០៨. យំ វិមតិគាហការណំ វុច្ចមានំ, តំ ‘‘ហន្ទ ហី’’តិ បរំ ជោតេតីតិ អធិប្បាយេនាហ ‘‘ការណត្ថេតិ យុត្ត’’ន្តិ. វិមតិគាហស្ស បន និច្ឆិតតំ ‘‘ហន្ទ ហី’’តិ បរំ ជោតេតីតិ វុត្តំ ‘‘វចសាយត្ថេ’’តិ.

បរូបហារវណ្ណនា និដ្ឋិតា.