៨. បតិរូបកថាវណ្ណនា

៩១៥-៩១៦. មេត្តាទយោ វិយាតិ យថា មេត្តា ករុណា មុទិតា ច សិនេហសភាវាបិ អរញ្ជនសភាវត្តា អសំកិលិដ្ឋត្តា ច ន រាគោ, ឯវំ រាគបតិរូបកោ កោចិ ធម្មោ នត្ថិ ឋបេត្វា មេត្តាទយោ, អញ្ញចិត្តស្ស សិនិយ្ហនាការោ រាគស្សេវ បវត្តិអាការោតិ អត្ថោ. តេនេវាហ ‘‘រាគមេវ គណ្ហាតី’’តិ. ឯវំ ទោសេបីតិ ឯត្ថ ឥស្សាទយោ វិយ ន ទោសោ ទោសបតិរូបកោ កោចិ អត្ថីតិ ទោសមេវ គណ្ហាតីតិ យោជេតព្ពំ. ឋបេត្វា ហិ ឥស្សាទយោ អញ្ញចិត្តស្ស ទុស្សនាការោ ទោសស្សេវ បវត្តិអាការោតិ.

បតិរូបកថាវណ្ណនា និដ្ឋិតា.