២. ទុកនិទ្ទេសវណ្ណនា

៦៣. កស្សចីតិ កស្សចិបិ. កថញ្ចីតិ កេនចិ បការេន, វិក្ខម្ភនមត្តេនាបីតិ វុត្តំ ហោតិ. អជ្ឈត្តគ្គហណស្សាតិ អត្តានំ អធិកិច្ច ឧទ្ទិស្ស បវត្តគ្គាហស្ស.

៨៣. បុរិមគ្គហិតន្តិ ‘‘ករិស្សតិ មេ’’តិអាទិនា ចិត្តេន បឋមំ គហិតំ. តំ កតន្តិ តំ តាទិសំ ឧបការំ. បុញ្ញផលំ ឧបជីវន្តោ កតញ្ញុបក្ខេ តិដ្ឋតីតិ វុត្តំ ‘‘បុញ្ញផលំ អនុបជីវន្តោ’’តិ.

៩០. គុណបារិបូរិយា បរិបុណ្ណោ យាវទត្ថោ ឥធ តិត្តោតិ អាហ ‘‘និដ្ឋិតកិច្ចតាយ និរុស្សុក្កោ’’តិ.

ទុកនិទ្ទេសវណ្ណនា និដ្ឋិតា.