៨. អដ្ឋមនយោ វិប្បយុត្តេនសម្បយុត្តបទវណ្ណនា

៣១៧. រូបក្ខន្ធេន វិប្បយុត្តា នាម ចត្តារោ អរូបិនោ ខន្ធា, តេសំ អញ្ញេហិ សម្បយោគោ នាម នត្ថិ តាទិសស្ស អញ្ញស្ស សម្បយោគិនោ អភាវតោ. សមុទាយស្ស ច ឯកទេសេន សម្បយោគោ នត្ថីតិ វុត្តោវាយមត្ថោ. វេទនាក្ខន្ធាទីហិ វិប្បយុត្តំ រូបំ និព្ពានញ្ច, តស្ស កេនចិ សម្បយោគោ នត្ថេវាតិ អាហ ‘‘រូបក្ខន្ធាទីហិ…បេ… នត្ថី’’តិ. តេនាតិ ‘‘រូបក្ខន្ធេន យេ ធម្មា វិប្បយុត្តា’’តិអាទិវចនេន.

អដ្ឋមនយវិប្បយុត្តេនសម្បយុត្តបទវណ្ណនា និដ្ឋិតា.