៨. កុមារិភូតវគ្គវណ្ណនា

១១១៩. កុមារិភូតវគ្គស្ស បឋមេ សព្ពបឋមា ទ្វេ មហាសិក្ខមានាតិ គព្ភិនិវគ្គេ សព្ពបឋមំ វុត្តា ទ្វេ សិក្ខមានា. សិក្ខមានា ឥច្ចេវ វត្តព្ពាតិ សម្មុតិកម្មាទីសុ ឯវំ វត្តព្ពា. គិហិគតាតិ វា កុមារិភូតាតិ វា ន វត្តព្ពាតិ សចេ វទន្តិ, កម្មំ កុប្បតីតិ អធិប្បាយោ. ឥតោ បរំ នវមបរិយោសានំ ឧត្តានត្ថមេវ.

១១៦៣. ទសមេ អបុព្ពសមុដ្ឋានសីសន្តិ បឋមបារាជិកសមុដ្ឋានាទីសុ តេរសសុ សមុដ្ឋានេសុ អននុញ្ញាតសមុដ្ឋានំ សន្ធាយ វុត្តំ. តញ្ហិ ឥតោ បុព្ពេ តាទិសស្ស សមុដ្ឋានសីសស្ស អនាគតត្តា ‘‘អបុព្ពសមុដ្ឋានសីស’’ន្តិ វុត្តំ.

១១៦៦. ឯកាទសមាទីនិ ឧត្តានត្ថានេវ.

កុមារិភូតវគ្គវណ្ណនា និដ្ឋិតា.