កថិនភេទវណ្ណនា

៤០៤. បុរេជាតបច្ចយេ បនេស ឧទ្ទិដ្ឋធម្មេសុ ឯកធម្មម្បិ ន លភតីតិ ឯស ឧទកាហរណាទិបយោគោ អត្តនោ បុរេជាតបច្ចយភាវេ បុព្ពករណវសេន ឧទ្ទិដ្ឋេសុ ធោវនាទិធម្មេសុ ឯកធម្មម្បិ ន លភតិ អត្តនោ បុរេជាតស្ស បុព្ពករណសង្គហិតស្ស ធម្មស្ស នត្ថិតាយ.

៤១២. រូបាទីសុ ធម្មេសូតិ វណ្ណគន្ធាទីសុ សុទ្ធដ្ឋកធម្មេសុ.

៤១៦. បុរិមា ទ្វេតិ ឥមស្មិំ អធិការេ បឋមំ វុត្តា អន្តរុព្ភារសហុព្ភារា, ន បក្កមនន្តិកាទយោ ទ្វេ ឧទ្ធារា.