៣. ឧក្កោដនសិក្ខាបទវណ្ណនា

៣៩២. តតិយេ យថាបតិដ្ឋិតភាវេន បតិដ្ឋាតុំ ន ទេន្តីតិ តេសំ បវត្តិអាការទស្សនត្ថំ វុត្តំ. យំ បន ធម្មេន អធិករណំ និហតំ, តំ សុនិហតមេវ. សចេ វិប្បកតេ កម្មេ បដិក្កោសតិ, តំ សញ្ញាបេត្វាវ កាតព្ពំ. ឥតរថា កម្មញ្ច កុប្បតិ, ការកានញ្ច អាបត្តិ. សេសមេត្ថ ឧត្តានមេវ. យថាធម្មំ និហតភាវោ, ជាននា, ឧក្កោដនាតិ ឥមានិ បនេត្ថ តីណិ អង្គានិ.

ឧក្កោដនសិក្ខាបទវណ្ណនា និដ្ឋិតា.