៦. ទុតិយបវារណាសិក្ខាបទវណ្ណនា

២៤៣. ឆដ្ឋេ សាធារណមេវាតិ ‘‘ហន្ទ ភិក្ខុ ខាទ វា’’តិអាទិនា វុត្តបវារណាយ សាធារណំ. ‘‘ភុត្តស្មិំ បាចិត្តិយ’’ន្តិ មាតិកាយំ វុត្តត្តា ភោជនបរិយោសានេ អាបត្តិ, ន អជ្ឈោហារេ អជ្ឈោហារេ. អភិហដ្ឋុំ បវារេតិ, អាបត្តិ បាចិត្តិយស្សាតិ ឥទញ្ច ភោជនបរិយោសានំយេវ សន្ធាយ វុត្តន្តិ វេទិតព្ពំ. សេសមេត្ថ ឧត្តានមេវ. បវារិតតា, បវារិតសញ្ញិតា, អាសាទនាបេក្ខតា, អនតិរិត្តេន អភិហដ្ឋុំ បវារណា, ភោជនបរិយោសានន្តិ ឥមានិ បនេត្ថ បញ្ច អង្គានិ.

ទុតិយបវារណាសិក្ខាបទវណ្ណនា និដ្ឋិតា.