៧. និក្កឌ្ឍនសិក្ខាបទវណ្ណនា

១២៦. សត្តមេ កោដ្ឋកានីតិ ទ្វារកោដ្ឋកានិ. ‘‘និក្ខមាតិ វចនំ សុត្វាបិ អត្តនោ រុចិយា និក្ខមតិ, អនាបត្តី’’តិ វទន្តិ.

១២៨. អលជ្ជិំ និក្កឌ្ឍតីតិអាទីសុ បឋមំ អលជ្ជីអាទិភាវេន និក្កឌ្ឍិស្សាមីតិ ចិន្តេត្វា និក្កឌ្ឍន្តស្ស ចិត្តស្ស លហុបរិវត្តិតាយ កោបេ ឧប្បន្នេបិ អនាបត្តិ. សេសមេត្ថ ឧត្តានមេវ. សង្ឃិកវិហារោ, ឧបសម្បន្នស្ស ភណ្ឌនការកភាវាទិវិនិមុត្តតា, កោបេន និក្កឌ្ឍនំ វា និក្កឌ្ឍាបនំ វាតិ ឥមានិ បនេត្ថ តីណិ អង្គានិ.

និក្កឌ្ឍនសិក្ខាបទវណ្ណនា និដ្ឋិតា.