បាទព្ភញ្ជនកថា

បាទព្ភញ្ជនកថាយំ ‘‘អនុជានាមិ, ភិក្ខវេ, បាទព្ភញ្ជន’’ន្តិ (មហាវ. ២៦៧) វចនតោ បាទេសុ ផលិតេសុ បាទព្ភញ្ជនំ បចិតព្ពំ. នក្ខមនីយោ ហោតិ, ‘‘អនុជានាមិ, ភិក្ខវេ, បជ្ជំ អភិសង្ខរិតុ’’ន្តិ (មហាវ. ២៦៧) វចនតោ បាទព្ភញ្ជនតេលេន នក្ខមនីយេ សតិ បជ្ជំ អភិសង្ខរិតព្ពំ. តត្ថ បជ្ជំ អភិសង្ខរិតុន្តិ យេន ផលិតបាទា បាកតិកា ហោន្តិ, តំ នាឡិកេរាទីសុ នានាភេសជ្ជានិ បក្ខិបិត្វា បជ្ជំ អភិសង្ខរិតុំ, បាទានំ សប្បាយភេសជ្ជំ បចិតុន្តិ អត្ថោ.