អកតកប្បកថា

អកតកប្បកថាយំ ‘‘អនុជានាមិ, ភិក្ខវេ, អពីជំ និព្ពដ្ដពីជំ អកតកប្បំ ផលំ បរិភុញ្ជិតុ’’ន្តិ (មហាវ. ២៧៨) វចនតោ អពីជញ្ច និព្ពដ្ដពីជញ្ច ផលំ អគ្គិសត្ថនខេហិ សមណកប្បំ អកត្វាបិ បរិភុញ្ជិតុំ វដ្ដតិ. តត្ថ អពីជន្តិ តរុណផលំ, យស្ស ពីជំ អង្កុរំ ន ជនេតិ. និព្ពដ្ដពីជន្តិ ពីជំ និព្ពដ្ដេត្វា អបនេត្វា បរិភុញ្ជិតព្ពកំ អម្ពបនសាទិ, តានិ ផលានិ កប្បិយការកេ អសតិ កប្បំ អកត្វាបិ បរិភុញ្ជិតុំ វដ្ដតិ.