៤. ចតុត្ថសង្ឃាទិសេសសិក្ខាបទវណ្ណនា

៦៩៤. ចតុត្ថេ ការកគណស្សាតិ ឥមស្ស កម្មំ កាតព្ពន្តិ យេហិ សន្និដ្ឋានំ កតំ, តេ សន្ធាយ វុត្តំ. កម្មវាចក្ខណេ សហឋិតេតិ កេចិ. នេត្ថារវត្តេតិ និត្ថរណហេតុម្ហិ វត្តេ.

៦៩៨. បាឡិយំ អសន្តេ ការកសង្ឃេតិ ឯត្ថ វិជ្ជមានំ សុទូរម្បិ គន្ត្វា អាបុច្ឆិតព្ពំ. អន្តរាយេ បន សតិ សម្មា វត្តន្តំ ឱសារេតុំ វដ្ដតីតិ. ធម្មកម្មេន ឧក្ខិត្តតា, អននុញ្ញាតការណា ឱសារណន្តិ ទ្វេ អង្គានិ.

ចតុត្ថសង្ឃាទិសេសសិក្ខាបទវណ្ណនា និដ្ឋិតា.