៣. ហសធម្មសិក្ខាបទវណ្ណនា

៣៣៨. តតិយេ បាឡិយំ ហសធម្មេ ហសធម្មសញ្ញីតិអាទីសុ ឧប្លវាទិមត្តំ កិំ ហសធម្មោ ហោតីតិ គហណវសេន សតិ ករណីយេ ករិយមានំ ហសធម្មំ ហសធម្មោតិ គហណវសេន អត្ថោ វេទិតព្ពោ. ឧស្សារេន្តោតិ ឧទកេ ឋិតំ នាវំ តីរេ អារោបេន្តោ.

បតនុប្បតនវារេសូតិ ឧទកស្ស ឧបរិតលេ មណ្ឌូកគតិយា បតនុប្បតនវសេន គមនត្ថំ ខិត្តាយ ឯកិស្សា កថលាយ វសេន វុត្តំ. ឧទកស្ស ឧបរិគោប្ផកតា, ហសាធិប្បាយេន កីឡនន្តិ ទ្វេ អង្គានិ.

ហសធម្មសិក្ខាបទវណ្ណនា និដ្ឋិតា.