៧. សត្តមសង្ឃាទិសេសសិក្ខាបទវណ្ណនា

៧១២-៤. កម្មវាចតោ បុព្ពេ អាបន្នាបត្តិយោ ន បដិប្បស្សម្ភន្តិ. ញត្តិយា ទុក្កដថុល្លច្ចយា បដិប្បស្សម្ភន្តិ សង្ឃាទិសេសេ បត្តេតិ បោរាណា. តំ ‘‘អជ្ឈាបជ្ជន្តិយា’’តិ បាឡិយា សមេតិ. ‘‘សុត្វា ន វទន្តី’’តិ ឯត្ថ សចេ ជីវិតព្រហ្មចរិយន្តរាយភយា ន វទន្តិ, អនាបត្តិ. ‘‘អធម្មកម្មេ អធម្មកម្មសញ្ញា អាបត្តិ ទុក្កដស្សា’’តិ វុត្តត្តា ‘‘អនាបត្តិ អសមនុភាសន្តិយា’’តិ សង្ឃាទិសេសំ សន្ធាយ វុត្តំ.

សត្តមសង្ឃាទិសេសសិក្ខាបទវណ្ណនា និដ្ឋិតា.