៧. មហានាមសិក្ខាបទវណ្ណនា

៣១០. កាលន្តិ សោ. យស្មា សង្ឃបវារណាយមេវាយំ វិធិ, តស្មា ‘‘ញាតកានំ បវារិតាន’’ន្តិ វុត្តំ. ‘‘ឥមិនា ហិ តយា បវារិតម្ហ, អម្ហាកញ្ច ឥមិនា ច ឥមិនា ច អត្ថោ’’តិ យថាភូតំ អាចិក្ខិត្វា វិញ្ញាបេតុំ គិលានោវ លភតិ. យំ បន វុត្តំ បណីតភោជនសិក្ខាបទេ ‘‘មហានាមសិក្ខាបទេន ការេតព្ពោ’’តិ, តំ សង្ឃវសេន បវារិតំ, ភេសជ្ជត្ថាយ សប្បិអាទិភេសជ្ជបញ្ចកំ វិញ្ញាបេតិ ចេ, ‘‘ន ភេសជ្ជេន ករណីយេន ភេសជ្ជំ វិញ្ញាបេតី’តិ វចនេន បាចិត្តិយន្តិ អត្ថោ’’តិ (បាចិ. ៣០៩) លិខិតំ.

មហានាមសិក្ខាបទវណ្ណនា និដ្ឋិតា.