៨-១០. លោកសុត្តាទិវណ្ណនា

៣៩៤-៣៩៦. មហាវិសយត្តា មហតិយោ អភិញ្ញា ឯតស្សាតិ មហាភិញ្ញោ, តស្ស ភាវោតិ សព្ពំ វត្តព្ពំ. ‘‘សតតវិហារវសេន វុត្ត’’ន្តិ វត្វា តមត្ថំ បាកដំ កាតុំ ‘‘ថេរោ កិរា’’តិអាទិ វុត្តំ. តស្សាតិ ថេរស្ស. អាវជ្ជនស្ស គតិន្តិ ឯកាវជ្ជនស្សេវ គមនវីថិំ. អនុពន្ធតិ ចក្កវាឡានំ សហស្សំ ឯកាវជ្ជនេនេវ សហស្សលោកធាតុយា ឥច្ឆិតមត្ថំ ជានិតុំ សមត្ថោតិ ទស្សេតិ.

សីលដ្ឋិតិវគ្គវណ្ណនា និដ្ឋិតា.