៤. សុរាមេរយសុត្តវណ្ណនា

១១៣៤. បិដ្ឋសុរាតិ បិដ្ឋេន កាតព្ពសុរា, តថា ឱទនសុរា បូវសុរា, មជ្ជរសាទិភូតេ កិណ្ណេ បក្ខិបិត្វា កត្តព្ពា សុរា កិណ្ណបក្ខិត្តសុរា. សម្ភារសំយុត្តាតិ មូលភេសជ្ជសម្ភារេហិ សំយុត្តា. បុប្ផាសវោតិ នាឡិកេរបុប្ផាទិតោ អស្សវនកអាសវោ. មុទ្ទិកផលាទិតោ អស្សវនកអាសវោ ផលាសវោ. ឥតីតិអាទិអត្ថោ. តេន មធ្វាសវគុឡាសវសម្ភារសំយុត្តេ សង្គណ្ហាតិ. សុរាសវវិនិមុត្តន្តិ យថាវុត្តសុរាសវវិនិមុត្តំ.