១. សមាធិសុត្តវណ្ណនា

១០៧១. ចិត្តេកគ្គតាយាតិ និស្សក្កវចនំ ‘‘បរិហាយន្តី’’តិ បទំ អបេក្ខិត្វា. យថាភូតាទិវសេនាតិ យថាគតាទិវសេន. យថាភូតំ នាម ឥមស្មិំ សុត្តេ ‘‘សមាហិតោ, ភិក្ខវេ, ភិក្ខុ យថាភូតំ បជានាតី’’តិអាទិ. អាទិ-សទ្ទេន ‘‘តថា យស្មា’’តិអាទិសង្គហោ ទដ្ឋព្ពោ. តថា ហិ យថាភូតវសេន ការណច្ឆេទោ កតោ ‘‘តថា យស្មា’’តិអាទិវចនេហិ. វណ្ណាតិ អក្ខរា, ‘‘គុណា’’តិ កេចិ. បទព្យញ្ជនានីតិ នាមាទិបទានិ ចេវ តំសមុទាយភូតព្យញ្ជនានិ ច.