២. ទុតិយវិហារសុត្តវណ្ណនា

១២. មិច្ឆាទិដ្ឋិ វូបសមតិ សព្ពសោ បហីយតិ ឯតេនាតិ មិច្ឆាទិដ្ឋិវូបសមោ. ‘‘មិច្ឆាទិដ្ឋិវូបសមោ នាម សម្មាទិដ្ឋិ. ភវន្តរេ ឧប្បជ្ជន្តោ អតិទូរេតិ មញ្ញមានោ វិបាកវេទនំ ន គណ្ហាតី’’តិ អដ្ឋកថាយំ វុត្តំ. ‘‘ឥមិនា នយេនា’’តិ អតិទិសិត្វាបិ តមត្ថំ បាកដតរំ កាតុំ ‘‘យស្ស យស្សា’’តិអាទិំ វត្វា ឯវ សាមញ្ញវសេន វុត្តមត្ថំ បច្ឆិមេសុ តីសុ បទេសុ សរូបតោវ ទស្សេតុំ ‘‘ឆន្ទវូបសមបច្ចយា’’តិអាទិមាហ, តំ សុវិញ្ញេយ្យមេវ. វុត្តត្ថានេវ អនន្តរសុត្តេ.

ទុតិយវិហារសុត្តវណ្ណនា និដ្ឋិតា.