៥-៦. កិមត្ថិយសុត្តាទិវណ្ណនា

៥-៦. និយមត្ថោតិ អវធារណត្ថោ. តេន និយមេន អវធារណេន – អញ្ញំ មគ្គំ បដិក្ខិបតិ ឥតោ អញ្ញស្ស និយ្យានិកមគ្គស្ស អភាវតោ. ‘‘ទុក្ខស្ស បរិញ្ញត្ថ’’ន្តិ វុត្តត្តា វដ្ដទុក្ខំ កថិតំ. អរិយមគ្គេ គហិតេ តស្ស បុព្ពភាគមគ្គោ វិបស្សនាយ គហិតោ ឯវាតិ ‘‘មិស្សកមគ្គោ កថិតោ’’តិ វុត្តំ. ឧត្តានមេវ អបុព្ពស្ស អភាវា. អយំ បន វិសេសោ ‘‘រាគក្ខយោ’’តិអាទីហិ យទិបិ និព្ពានំ វុត្តំ. តថាបិ អរហត្តំ វិយ ព្រហ្មចរិយម្បិ. តេន និព្ពានំ ឯវ វុច្ចតិ ‘‘ឥទំ ព្រហ្មចរិយបរិយោសាន’’ន្តិ.

កិមត្ថិយសុត្តាទិវណ្ណនា និដ្ឋិតា.