១១. ភទ្រកសុត្តវណ្ណនា

៣៦៣. ឯវំនាមកេតិ មល្លា នាម ជានបទិនោ រាជកុមារា, នេសំ និវាសតាយ ‘‘មល្លា’’ឥច្ចេវ ពហុវចនវសេន លទ្ធនាមត្តា ឯវំនាមកេ ជនបទេ. នត្ថិ ឯតស្ស បត្តិយា កាលន្តរសញ្ញិតោ កាលោតិ អកាលោ, សោ ឯវ អកាលិកោ. តេនាហ – ‘‘កាលំ អនតិក្កមិត្វា បត្តេនា’’តិ. សោ បន ‘‘យំកិញ្ចិ ទុក្ខំ ឧប្បជ្ជមានំ ឧប្បជ្ជតិ, សព្ពំ តំ ឆន្ទមូលក’’ន្តិ ឯវំ វុត្តោ ទុក្ខស្ស ឆន្ទមូលភាវោ, ឯវំ ឆន្ទមូលកស្ស ទុក្ខស្ស កថិតត្តា ‘‘ឥមស្មិំ សុត្តេ វដ្ដទុក្ខំ កថិត’’ន្តិ វុត្តំ.

ភទ្រកសុត្តវណ្ណនា និដ្ឋិតា.