១០. ផគ្គុនបញ្ហាសុត្តវណ្ណនា

៨៣. តណ្ហាយ បហីនាយ ទិដ្ឋិមានាបិ បហីនា ឯវាតិ ‘‘តណ្ហាបបញ្ចស្ស ឆិន្នត្តា ឆិន្នបបញ្ចេ’’តិ វុត្តំ. ទុតិយបទេបិ ឯសេវ នយោ. ឥធ សត្តវោហារោ ចក្ខាទីសុ វិជ្ជមានេសុ ឯវ ហោតិ, តស្មា បរិនិព្ពុតានញ្ច វោហារោ ចក្ខាទីសុ សន្និស្សយេនេវ, នាញ្ញថាតិ អតិក្កន្តពុទ្ធេហិ បរិហរិតានិ ចក្ខុសោតាទីនិ បុច្ឆាមីតិ បុច្ឆតិ ‘‘អត្ថិ នុ ខោ ភន្តេ’’តិអាទិនា. ចក្ខុសោតាទិវដ្ដំ វដ្ដេ បវត្តេយ្យ.

ផគ្គុនបញ្ហាសុត្តវណ្ណនា និដ្ឋិតា.

គិលានវគ្គវណ្ណនា និដ្ឋិតា.