៥. សព្ពអនិច្ចវគ្គវណ្ណនា

៤៣-៥២. ញាតបរិញ្ញា អាគតា វិសយវសេន តព្ពិសយស្ស ធម្មស្ស ជោតិតត្តា. ឥតរា ទ្វេ តីរណបហានបរិញ្ញាបិ អាគតា ឯវាតិ វេទិតព្ពា, តាសំ អភិញ្ញេយ្យធម្មវិសយត្តា ញាណស្ស ច តីរណបហានបរិញ្ញាសម្ភវតោ. បរិញ្ញេយ្យបទេ តីរណបរិញ្ញាវ អាគតា, បហាតព្ពបទេ បហានបរិញ្ញាវ អាគតាតិ យោជនា. ឥតរាបិ ទ្វេ គហិតាយេវ តាហិ វិនា អត្ថសិទ្ធិយា អភាវតោ. បច្ចក្ខំ កាតព្ពំ អារម្មណតោ អសម្មោហតោ បដិវិជ្ឈនេន. អវុត្តាបិ គហិតាយេវ បរិជាននស្ស យាវទេវ បហានត្ថត្តា. ឯកសភាវេន វិនាភាវោ អនេកគ្គដ្ឋោ. ឧបសដ្ឋរោគេន វិយ អន្តោ ឯវ អភិហតសព្ពតា ឧបហតដ្ឋោ.

សព្ពអនិច្ចវគ្គវណ្ណនា និដ្ឋិតា.

បឋមោ បណ្ណាសកោ.