២-៣. ទុតិយសមុទ្ទសុត្តាទិវណ្ណនា

២២៩-២៣០. កិលេសានំ អល្លភាវូបនយនន្តិ អាហ ‘‘តេមនដ្ឋេនា’’តិ. អរិយសាវកេតិ អនាគាមិនោ. តេ ហិ កាមភវវសេន អតិន្តតាយ ន សមុន្នា. តយោ មច្ចូតិ កិលេសាភិសង្ខារទេវបុត្តមារេ. តីហិ ឧបធីហីតិ កិលេសាភិសង្ខារកាមគុណានំ វសេន តីហិ ឧបធីហិ. ខន្ធុបធិនា បន សោ ន និរូបធិ សឧបាទិសេសស្សេវ និព្ពានស្ស អធិគតត្តា. គតោតិ បដិបត្តិគមនេន គតោ.

ទុតិយសមុទ្ទសុត្តាទិវណ្ណនា និដ្ឋិតា.