៩-១០. ឥន្ទ្រិយសម្បន្នសុត្តាទិវណ្ណនា

១៥៤-១៥៥. ‘‘សម្បន្នសីលា, ភិក្ខវេ, វិហរថា’’តិអាទីសុ (ម. និ. ១.៦៤) វិយ បរិបុណ្ណត្ថោ ឥធ សម្បន្ន-សទ្ទោតិ អាហ ‘‘បរិបុណ្ណិន្ទ្រិយោ’’តិ. ឥន្ទ្រិយេហិ សមន្នាគតត្តា បរិបុណ្ណិន្ទ្រិយោ នាម ហោតីតិ សម្ពន្ធោ. ឯវំ សតិ សមន្នាគមសម្បត្តិ វុត្តា ហោតីតិ អាសង្កន្តោ ‘‘ចក្ខាទីនិ វា’’តិអាទិមាហ. តំ សន្ធាយាតិ ទុតិយវិកប្បេន វុត្តមត្ថំ សន្ធាយ. ហេដ្ឋា ខន្ធិយវគ្គេ ខន្ធវសេន ទេសនា អាគតា, ឥធ អាយតនវសេនាតិ អាហ ‘‘វុត្តនយមេវា’’តិ.

ឥន្ទ្រិយសម្បន្នសុត្តាទិវណ្ណនា និដ្ឋិតា.

នវបុរាណវគ្គវណ្ណនា និដ្ឋិតា.

តតិយោ បណ្ណាសកោ.