៤. បមាទវិហារីសុត្តវណ្ណនា

៩៧. ន បិទហិត្វា ចក្ខុន្ទ្រិយំ ន បិទហិត្វា សញ្ឆាទិត្វា ឋិតស្ស. ព្យាសិញ្ចតីតិ កិលេសេហិ វិសេសេន អាសិញ្ចតិ. កិលេសតិន្តន្តិ កិលេសេហិ អវស្សុតំ. ទុព្ពលបីតិ តរុណា ន ពលប្បត្តា. ពលវបីតិ ឧព្ពេគា ផរណប្បត្តា ច បីតិ. ទរថប្បស្សទ្ធីតិ កាយចិត្តទរថវូបសមលក្ខណា បស្សទ្ធិ. ន ឧប្បជ្ជន្តិ បច្ចយបរម្បរាយ អសិទ្ធត្តា. ‘‘កថញ្ច, ភិក្ខវេ, បមាទវិហារី ហោតី’’តិអាទិនា បុគ្គលំ បុច្ឆិត្វា ‘‘បាមោជ្ជំ ន ហោតិ, បាមោជ្ជំ ជាយតី’’តិអាទិនា ច, ធម្មេន ‘‘បមាទវិហារី អប្បមាទវិហារី’’តិ ច បុគ្គលោ ទស្សិតោ.

បមាទវិហារីសុត្តវណ្ណនា និដ្ឋិតា.