៤. អនុរាធសុត្តវណ្ណនា

៨៦. តស្សេវ វិហារស្សាតិ មហាវនេ យស្មិំ វិហារេ ភគវា វិហរតិ, តស្សេវ វិហារស្ស. ឥមេតិ អញ្ញតិត្ថិយា. យស្មា អយំ ថេរោ ឋបនីយំ បញ្ហំ ឋបនីយភាវេន ន ឋបេសិ, តស្មា. អញ្ញតិត្ថិយា…បេ… ឯតទវោចុំ. តេនាហ ‘‘ឯកទេសេន សាសនសមយំ ជានន្តា’’តិ.

គហិតមេវ ហោតិ តតោ បគេវ សិទ្ធត្តា. តេនាហ ‘‘តស្ស មូលត្តា’’តិ. ឯវន្តិ ‘‘ទុក្ខញ្ចេវ បញ្ញបេមិ, ទុក្ខស្ស ច និរោធ’’ន្តិ ឯវំ. វដ្ដវិវដ្ដមេវាតិ បញ្ចន្នំ បន ខន្ធានំ សមនុបស្សនាយ វសេន វដ្ដំ, ‘‘ឯវំ បស្ស’’ន្តិអាទិនា វិវដ្ដំ កថិតមេវ.

អនុរាធសុត្តវណ្ណនា និដ្ឋិតា.