៣. អនិច្ចសុត្តវណ្ណនា

៤៥. វិរាគោ នាម មគ្គោ, វិមុត្តិផលន្តិ អាហ – ‘‘មគ្គក្ខណេ វិរជ្ជតិ, ផលក្ខណេ វិមុច្ចតី’’តិ. អគ្គហេត្វាតិ ឯវំ និរុជ្ឈមានេហិ អាសវេហិ ‘‘អហំ មមា’’តិ កញ្ចិ ធម្មំ អនាទិយិត្វា. ‘‘ចិត្តំ វិរត្តំ, វិមុត្តំ ហោតី’’តិ វុត្តត្តា ផលំ គយ្ហតិ, ‘‘ខីណា ជាតី’’តិអាទិនា បច្ចវេក្ខណាតិ អាហ ‘‘សហ ផលេន បច្ចវេក្ខណទស្សនត្ថ’’ន្តិ. ឧបរិ កត្តព្ពកិច្ចាភាវេន ឋិតំ. តេនាហ ‘‘វិមុត្តត្តា ឋិត’’ន្តិ. យំ បត្តព្ពំ, តំ អគ្គផលស្ស បត្តភាវេន អធិគតត្តា សន្តុដ្ឋំ បរិតុដ្ឋំ.

អនិច្ចសុត្តវណ្ណនា និដ្ឋិតា.