៣. អញ្ញតរភិក្ខុសុត្តវណ្ណនា

៣៥. យទិ រូបំ អនុសេតីតិ រូបធម្មេ អារព្ភ យទិ រាគាទយោ អនុសយនវសេន បវត្តន្តិ. តេន សង្ខំ គច្ឆតីតិ តេន រាគាទិនា តំសមង្គីបុគ្គលោ សង្ខាតព្ពតំ ‘‘រត្តោ ទុដ្ឋោ’’តិអាទិនា វោហរិតព្ពតំ ឧបគច្ឆតីតិ. តេនាហ ‘‘កាមរាគាទីសូ’’តិអាទិ. អភូតេនាតិ អជាតេន អនុសយវសេន អប្បវត្តេន. អនុសយសីសេន ហេត្ថ អភិភវំ វទតិ. យតោ ‘‘រត្តោ ទុដ្ឋោ មូឡ្ហោតិ សង្ខំ ន គច្ឆតី’’តិ វុត្តំ. និប្បរិយាយតោ ហិ មគ្គវជ្ឈកិលេសា អនុសយោ.

អញ្ញតរភិក្ខុសុត្តវណ្ណនា និដ្ឋិតា.