១-២. អវិជ្ជាសុត្តាទិវណ្ណនា

១១៣-១១៤. យាវតាតិ យស្មា. ឥមាយ…បេ… សមន្នាគតោតិ ‘‘ឥទំ ទុក្ខន្តិ យថាភូតំ នប្បជានាតី’’តិអាទិនា នយេន វុត្តាយ ចតូសុ អរិយសច្ចេសុ អញ្ញាណសភាវាយ អវិជ្ជាយ សម្មោហេន សមន្នាគតោ. ឯត្តាវតាតិ ឯត្តកេន ការណេន អវិជ្ជាគតោ សមង្គីភូតេន ឧបគតោ, អវិជ្ជាយ វា ឧបេតោ នាម ហោតិ.

ទុតិយេបីតិ វិជ្ជាសុត្តេ. ‘‘វិជ្ជាវសេន ទេសនា’’តិ អយមេវ វិសេសោតិ អាហ ‘‘ឯសេវ នយោ’’តិ.

អវិជ្ជាសុត្តាទិវណ្ណនា និដ្ឋិតា.