៧. គទ្ទុលពទ្ធសុត្តវណ្ណនា

៩៩. យំ មហាសមុទ្ទោតិ ឯត្ថ យន្តិ សមយស្ស បច្ចាមសនំ. ភុម្មត្ថេ ចេតំ បច្ចត្តវចនន្តិ អាហ ‘‘យស្មិំ សមយេ’’តិ. សោ ច សមយោ អយន្តិ ទស្សេន្តោ ‘‘បញ្ចមេ សូរិយេ ឧដ្ឋិតេ’’តិ អាហ. បរិច្ឆេទំ ន វទាមិ បរិច្ឆេទការិកាយ អគ្គមគ្គវិជ្ជាយ អនធិគតត្តា. សុនខោ វិយ វដ្ដនិស្សិតោ ពាលោ អសវសភាវតោ. គទ្ទុលោ វិយ ទិដ្ឋិពន្ធោ. សក្កាយោ តស្ស អសវសភាវតោ. បុថុជ្ជនស្ស សក្កាយានុបរិវត្តនន្តិ ‘‘សន្តានេ សត្តវោហារោ’’តិ តំ តតោ អញ្ញំ កត្វា ភេទេន និទ្ទេសោ.

គទ្ទុលពទ្ធសុត្តវណ្ណនា និដ្ឋិតា.