២. បុប្ផសុត្តវណ្ណនា

៩៤. វិវទតីតិ វិវាទំ ករោតិ. វទន្តោតិ អយថាសភាវេន វទន្តោ. វិវទតិ ធម្មតាយ វិរុទ្ធំ កត្វា វទតិ. លោកធម្មោតិ លុជ្ជនសភាវធម្មោ. កោ បន សោតិ អាហ ‘‘ខន្ធបញ្ចក’’ន្តិ. តេនាហ ‘‘តំ ហី’’តិអាទិ. កថំ ករោមីតិ កេន បការេនាហំ ពាលំ អជានន្តំ ករោមិ. តេនាហ ‘‘មយ្ហំ ហី’’តិអាទិ. តថា ចាហ ‘‘អក្ខាតោ វោ មយា មគ្គោ’’តិអាទិ (ធ. ប. ២៧៥). ‘‘តយោ លោកា កថិតា’’តិ វត្វា តំ វិវរិតុំ ‘‘នាហំ, ភិក្ខវេ’’តិអាទិមាហ.

បុប្ផសុត្តវណ្ណនា និដ្ឋិតា.