៤. ទុតិយហាលិទ្ទិកានិសុត្តវណ្ណនា

៤. ចូឡឆក្កបញ្ហេតិ មូលបណ្ណាសេ ចូឡតណ្ហាសង្ខយសុត្តេ (ម. និ. ១.៣៩០ អាទយោ). មហាសក្កបញ្ហេបីតិ មហាតណ្ហាសង្ខយសុត្តេបិ (ម. និ. ១.៣៩៦ អាទយោ). ឯតន្តិ ‘‘យេ តេ សមណព្រាហ្មណា’’តិអាទិសុត្តបទំ. តណ្ហា សម្មទេវ ខីយតិ ឯត្ថាតិ តណ្ហាសង្ខយោ, អសង្ខតា ធាតូតិ អាហ ‘‘តណ្ហាសង្ខយេ និព្ពានេ’’តិ. អន្តំ អតិក្កន្តនិដ្ឋាតិ អន្តរហិតនិដ្ឋា. តេនាហ ‘‘សតតនិដ្ឋា’’តិ. សេសបទេសូតិ ‘‘អច្ចន្តយោគក្ខេមិនោ’’តិអាទីសុ.

ទុតិយហាលិទ្ទិកានិសុត្តវណ្ណនា និដ្ឋិតា.