៥. សត្តិសុត្តវណ្ណនា

២២៧. អគ្គេ បហរិត្វាតិ តិណ្ហផលសត្តិយា អគ្គេ ហត្ថេន វា មុដ្ឋិនា វា បហារំ ទត្វា. កប្បាសវដ្ដិំ វិយាតិ បហតកប្បាសបិណ្ឌំ វិយ. និយ្យាសវដ្ដិំ វិយាតិ ផលសណ្ឋានំ និយ្យាសបិណ្ឌំ វិយ. ឯកតោ កត្វាតិ កលិកាទិភាវេន វីសតិំសបិណ្ឌានិ ឯកជ្ឈំ កត្វា. អល្លិយាបេន្តោ បិណ្ឌំ ករោន្តោ. បដិលេណេតីតិ បដិលីនយតិ នាមេតិ. អល្លិយាបេន្តោ តេ ទ្វេបិ ធារា ឯកតោ សម្ផុសាបេន្តោ. បដិកោដ្ដេតីតិ បដិបហរតិ. តត្ថ ខណ្ឌំ វិយ និយ្យាសោ. កប្បាសវដ្ដនករណីយន្តិ វិហតស្ស កប្បាសស្ស បដិសំហរណវសេន ពន្ធនទណ្ឌំ. បវត្តេន្តោតិ កប្បាសស្ស សំវេល្លនវសេន បវត្តេន្តោ.

សត្តិសុត្តវណ្ណនា និដ្ឋិតា.