១០. ពិឡារសុត្តវណ្ណនា

២៣២. ឃរានំ សន្ធីតិ ឃរេន ឃរស្ស សម្ពន្ធដ្ឋានំ. សហ មលេន វត្តតីតិ សមលំ. គេហតោ គាមតោ ច និក្ខមនចន្ទនិកដ្ឋានំ. សង្ការដ្ឋានន្តិ សង្ការកូដំ. កេចិ ‘‘សន្ធិសង្ការកូដដ្ឋាន’’ន្តិ វទន្តិ. វុដ្ឋានន្តិ អាបន្នអាបត្តិតោ, ន កិលេសតោ វុដ្ឋានំ, សុទ្ធន្តេ អធិដ្ឋានំ. តំ បន យថាអាបន្នាយ អាបត្តិយា ‘‘ទេសនា’’ត្វេវ វុច្ចតីតិ អាហ ‘‘ទេសនា បញ្ញាយតី’’តិ.

ពិឡារសុត្តវណ្ណនា និដ្ឋិតា.