១. កូដសុត្តវណ្ណនា

២២៣. កូដំ គច្ឆន្តីតិ កូដច្ឆិទ្ទស្ស អនុបវិសនវសេន កូដំ គច្ឆន្តិ. យា ច គោបានសិយោ គោបានសន្តរគតា, តាបិ កូដំ អាហច្ច ឋានេន កូដង្គមា. ទុវិធាបិ កូដេ សមោសរណា. កូដស្ស សមុគ្ឃាតេន វិនាសេន ភិជ្ជនេន. អវិជ្ជាយ សមុគ្ឃាតេនាតិ អវិជ្ជាយ អច្ចន្តមេវ អប្បវត្តិយា. តេន ច មោក្ខធម្មាធិគមេន តទនុរូបធម្មាធិគមោ ទស្សិតោ. អប្បមត្តាតិ បន ឥមិនា តស្ស ឧបាយោ ទស្សិតោ.

កូដសុត្តវណ្ណនា និដ្ឋិតា.