៩. ឈានាភិញ្ញសុត្តវណ្ណនា

១៥២. យាវទេវាតិ ឥមិនា សមានត្ថំ ‘‘យាវទេ’’តិ ឥទំ បទន្តិ អាហ ‘‘យាវទេ អាកង្ខាមីតិ យាវទេវ ឥច្ឆាមី’’តិ. យទិច្ឆកំ ឈានសមាបត្តីសុ វសីភាវទស្សនត្ថំ តទេតំ អារទ្ធំ. វិត្ថារិតមេវ, តស្មា តត្ថ វិត្ថារិតមេវ គហេតព្ពន្តិ អធិប្បាយោ. អាសវានំ ខយាតិ អាសវានំ ខយហេតុ អរិយមគ្គេន សព្ពសោ អាសវានំ ខេបិតត្តា. អបច្ចយភូតន្តិ អារម្មណបច្ចយភាវេន អបច្ចយភូតំ.

ឈានាភិញ្ញសុត្តវណ្ណនា និដ្ឋិតា.