៤. បថវីសុត្តាទិវណ្ណនា

៧៨-៨៤. ចក្កវាឡព្ភន្តរាយាតិ ចក្កវាឡបព្ពតស្ស អន្តោគធាយ.

ឆដ្ឋាទីសុ វុត្តនយេនេវាតិ ឥធ ឆដ្ឋសុត្តាទីសុ បឋមសុត្តាទីសុ វុត្តនយេនេវាតិ អត្ថោ វេទិតព្ពោ វិសេសាភាវតោ.

បរិយោសានេតិ ឥមស្ស អភិសមយសំយុត្តស្ស ឱសានដ្ឋានេ. អញ្ញតិត្ថិយសមណព្រាហ្មណបរិព្ពាជកានន្តិ អញ្ញតិត្ថិយានំ. គុណាធិគមោតិ ឈានាភិញ្ញាសហិតោ គុណាធិគមោ. សតភាគម្បិ…បេ… ន ឧបគច្ឆតិ សច្ចបដិវេធស្ស មហានុភាវត្តា. តេនាហ ភគវា បច្ចក្ខសព្ពធម្មោ ‘‘ឯវំ មហាធិគមោ, ភិក្ខវេ, ទិដ្ឋិសម្បន្នោ បុគ្គលោ ឯវំ មហាភិញ្ញោ’’តិ.

បថវីសុត្តាទិវណ្ណនា និដ្ឋិតា.

សារត្ថប្បកាសិនិយា សំយុត្តនិកាយ-អដ្ឋកថាយ

អភិសមយសំយុត្តវណ្ណនាយ លីនត្ថប្បកាសនា សមត្តា.