៧. តរុណរុក្ខសុត្តវណ្ណនា

៥៧-៥៩. បលិមជ្ជេយ្យាតិ អល្លករណវសេន បរិតោ បាឡិំ ពន្ធេយ្យ. តថា ករោន្តោ យស្មា ច តត្ថ តិណគច្ឆាទីនំ មូលសន្តានគ្គហណេន តំ ឋានំ សោធេតិ នាម, តស្មា វុត្តំ ‘‘សោធេយ្យា’’តិ. បំសុន្តិ អស្ស បវឌ្ឍការកំ, អាគន្តុកំ បំសុន្តិ អត្ថោ. ទទេយ្យាតិ បក្ខិបេយ្យ. តេនាហ ‘‘ថទ្ធ’’ន្តិអាទិ. វុត្តនយេនេវាតិ ‘‘រុក្ខំ នាសេតុកាមោ បុរិសោ វិយា’’តិអាទិនា បញ្ចមសុត្តេ វុត្តនយេន. អដ្ឋមនវមានិ ឧត្តានត្ថានេវ វុត្តនយត្តា.

តរុណរុក្ខសុត្តវណ្ណនា និដ្ឋិតា.