៣. អសុរិន្ទកសុត្តវណ្ណនា

១៨៩. តេនេវាតិ ភាតុបព្ពជិតេនេវ. អស្សេវាតិ តិតិក្ខស្ស. ‘‘តំ ជយំ ហោតី’’តិ លិង្គវិបល្លាសវសេន វុត្តន្តិ អាហ ‘‘សោ ជយោ ហោតី’’តិ, ទុជ្ជយំ កោធំ តិតិក្ខាយ ជិនន្តស្សាតិ អធិប្បាយោ. យស្មា តិតិក្ខាទយោ ន កោធវសិកំ ធុរំ, តំ បន ពាលានំ មញ្ញនាមត្តន្តិ ឥធ ឥមមត្ថំ វិភាវេតុំ ‘‘កតមស្សា’’តិអាទិ វុត្តំ. វិជានតោវ ជយោ ន អវិជានតោ តិតិក្ខាយ អភាវតោ. ន ហិ អវិជានន្តោ អន្ធពាលោ កោធំ វិជេតុំ សក្កោតិ. កេវលំ ជយំ មញ្ញតិ កិលេសេហិ បរាជិតោ សមានោបីតិ អធិប្បាយោ.

អសុរិន្ទកសុត្តវណ្ណនា និដ្ឋិតា.