១. សនង្កុមារសុត្តវណ្ណនា

១៨២. បោរាណកត្តាតិ និព្ពត្តិត្វា ចិរកាលត្តា. ជាតត្តា ជនោ, តំ ឥតោ ជនេតោ, តស្មិំ. ខត្តិយោ សេដ្ឋោ លោកមរិយាទបរិបាលនាទិនា សម្មាបដិបត្តិយំ សត្តានំ និយោជនេន ពហុការត្តា. សោ ហិ បរេ តថា បដិបាទេន្តោ សយម្បិ តត្ថ បតិដ្ឋិតោយេវ ហោតីតិ សេដ្ឋោ វុត្តោ. បដិបក្ខវិជ្ឈនដ្ឋេន បុព្ពេនិវាសាទីនំ វិទិតករណដ្ឋេន វិជ្ជាតិ. សទ្ធាហិរោត្តប្បពាហុសច្ចវីរិយសតិបញ្ញាតិ ឥមេ សត្ត សទ្ធម្មា. ចរន្តិ អគតបុព្ពំ ទិសំ ឯតេហីតិ ចរណានិ, សីលាទយោ បន្នរស ធម្មា.

សនង្កុមារសុត្តវណ្ណនា និដ្ឋិតា.