៤. បតិរូបសុត្តវណ្ណនា

១៥០. អនុរុជ្ឈតិ ឯតេនាតិ អនុរោធោ, រាគោ. វិរុជ្ឈតិ ឯតេនាតិ វិរោធោ, បដិឃោ. តេសុ អនុរោធវិរោធេសុ តន្និមិត្តំ សជ្ជតិ នាម សង្គំ ករោតិ នាម, អនុរោធវិរោធុប្បាទនមេវ ចេត្ថ សជ្ជនំ. យទញ្ញមនុសាសតីតិ យំ អញ្ញេសំ អនុសាសនំ, តំ តេសំ ហិតេសនំ អនុកម្បនំ, តស្មា អនុកម្បកេ ហិតេសកេ សម្មាសម្ពុទ្ធេ អនុរោធវិរោធេ អារោបេត្វា វិកម្បនត្ថំ មិច្ឆា វទសីតិ.

បតិរូបសុត្តវណ្ណនា និដ្ឋិតា.