៤. បិយសុត្តវណ្ណនា

១១៥. រហសិ គតស្សាតិ ជនសម្ពាធតោ អបក្កន្តស្ស. និលីនស្ស តេនេវ ជនវិវេកេន ឯកមន្តំ និសជ្ជាយ ឯកីភាវេន បដិសល្លីនស្ស វិយ. តេនាហ ‘‘ឯកីភូតស្សា’’តិ. សព្ពញ្ញុភាសិតំ ករោន្តោ អាហ តស្ស វចនំ ‘‘ឯវមេត’’ន្តិ សម្បដិច្ឆិត្វា តស្ស វចនំ តថាបច្ចនុភាសន្តោ. អន្តកេនាធិបន្នត្តា ឯវ ខេត្តវត្ថុហិរញ្ញសុវណ្ណាទិ មានុសំ ភវំ ជហតោ. អនុគន្តិ អនុគតំ, តមេវ អនុគាមីតិ អត្ថោ. និចយន្តិ ឧបរូបរិ វឌ្ឍិយា និចិតភូតំ. សម្បរាយិកន្តិ សម្បរាយ ហិតំ.

បិយសុត្តវណ្ណនា និដ្ឋិតា.