៩. ចន្ទិមសុត្តវណ្ណនា

៩០. វិមានេ គហិតេ តំនិវាសីបិ គហិតោ ហោតីតិ វុត្តំ ‘‘ចន្ទវិមានវាសី ទេវបុត្តោ’’តិ. សព្ពធីតិ សព្ពស្មា ទុគ្គដ្ឋានា វិប្បមុត្តោសិ ភគវា ត្វំ, តស្មា មយ្ហម្បិ ឥតោ សម្ពាធដ្ឋានតោ វិប្បមោក្ខំ ករោហីតិ អធិប្បាយោ. តេនាហ ‘‘តស្ស មេ សរណំ ភវា’’តិ. លោកានុកម្បកាតិ សព្ពស្ស លោកស្ស អនុគ្គហា, តស្មា តុយ្ហម្បិ ឯតស្សបិ ចន្ទស្ស. តាទិសា ឯវាតិ សមានា ឯវ. បមុញ្ចសីតិ បមុញ្ចិត្ថ. តេនាហ ‘‘អតីតត្ថេ វត្តមានវចន’’ន្តិ.

ចន្ទិមសុត្តវណ្ណនា និដ្ឋិតា.