៧. ឧឌ្ឌិតសុត្តវណ្ណនា

៦៧. ឧល្លង្ឃិតោតិ ឧព្ពន្ធិត្វា លង្ឃិតោ. សទ្ទាទីសូតិ សទ្ទាទិនាគទន្តេសុ សោតាទីនិ ឧឌ្ឌិតានិ តណ្ហារជ្ជុនា ទឡ្ហពន្ធនេន ពទ្ធត្តា តទនតិវត្តនតោ. លោកោតិ អាយតនលោកោ. តថា អត្ថយោជនាយ កតត្តា ខន្ធាទិលោកវសេនបិ យោជនា កាតព្ពា. ន ទូរំ អនន្តរភវកត្តា. ចុតិចិត្តអន្តរិតត្តា ឯកចិត្តន្តរភវស្ស កម្មស្ស អពុជ្ឈនំ, ឯវំ សន្តេ កស្មា សត្តា ន ពុជ្ឈន្តីតិ អាហ ‘‘ពលវតិយា’’តិអាទិ.

ឧឌ្ឌិតសុត្តវណ្ណនា និដ្ឋិតា.