២. មូលាយបដិកស្សនារហវត្តកថា

៨៦. នវកតរំ មូលាយបដិកស្សនារហំ ឋបេត្វាតិ យោជនា. ឥមេសំ បញ្ចន្នំ បកតត្តា ឯវាតិ សម្ពន្ធោ. នេសន្តិ មូលាយបដិកស្សនារហមានត្តារហមានត្តចារិកអព្ភានារហានំ ចតុន្នំ, មូលាយបដិកស្សនារហាទិលក្ខណន្តិ សម្ពន្ធោ. ឯត្ថាតិ មូលាយបដិកស្សនារហស្ស វត្តេ. ឥតោតិ មូលាយបដិកស្សនារហស្ស វត្តតោ.

៨៧. យថេវ បារិវាសិកោ គណបូរកោ ន ហោតិ, ឯវំ ឯតេបិ ន ហោន្តីតិ យោជនា.