២៤. ឧបសម្បាទេតព្ពឆក្កកថា

៨៥. តន្តិ ឩនទសវស្សបទំ. សព្ពត្ថាតិ សព្ពេសុ ឆក្កេសុ. តត្ថាតិ ឆក្កេសុ. ‘‘បាតិមោក្ខានិ វិត្ថារេនា’’តិ វុត្តត្តា វិភង្គវសេន គហេតព្ពានីតិ អាហ ‘‘ឧភតោវិភង្គវសេន វុត្តានី’’តិ. មាតិកាវិភង្គវសេន សុដ្ឋុ វិភជិតព្ពានីតិ សុវិភត្តានិ, វាចុគ្គតវសេន សុន្ទរា បវត្តិ ឯតេសន្តិ សុប្បវត្តីនិ, សុត្តតោ អនុព្យញ្ជនតោ សុដ្ឋុ វិនិច្ឆិតព្ពានីតិ សុវិនិច្ឆិតព្ពានីតិ អត្ថំ ទស្សេន្តោ អាហ ‘‘មាតិកាវិភង្គវសេនា’’តិអាទិ.